பயிர்க்கடன் பெற்ற விவசாயிகள் தங்களது பயிர்களுக்கு காப்பீடு செய்ய தொடக்க வேளாண்மை கூட்டுறவு கடன் சங்கம் அல்லது தேசியமயமாக்கப்பட்ட வங்கிகளை அணுகலாம்.
நடப்பு பருவத்தில் சாகுபடி செய்யப்பட்டுள்ள பயிர்களை நவம்பர் 15ம் தேதிக்குள் காப்பீடு செய்ய 27 மாவட்ட விவசாயிகளும், 6 தென் மாவட்ட விவசாயிகள் டிசம்பர் 15ம் தேதிக்குள் காப்பீடு செய்ய வேண்டும் என வேளாண் துறை கேட்டுக் கொண்டுள்ளது.வடகிழக்கு பருவமழை வலுப்பெற்று வருவதால் இந்த அறிவுரை வழங்கப்பட்டுள்ளது.
பயிர் காப்பீடு செய்ய கடைசி தேதி (15.11.2022) என விவசாயிகளுக்கு தமிழக அரசு அறிவுறுத்தியுள்ளது
நடப்பு நிதியாண்டில், பயிர்க் காப்பீட்டுத் திட்டங்களைச் செயல்படுத்த, தமிழக அரசு, 2,339 கோடி ரூபாய் அனுமதித்துள்ளது. தற்போது சம்பா நெல் சாகுபடி மும்முரமாக நடந்து வருகிறது. தமிழகத்தின் பல்வேறு பகுதிகளில் சம்பா, தாளடி, பிசான பருவங்களில் 24.13 லட்சம் ஏக்கரில் நெல் பயிரிடப்படுகிறது. இதில், 5.90 லட்சம் ஏக்கரில் உள்ள பயிர்களுக்கு, 10.38 லட்சம் விவசாயிகள் காப்பீடு செய்துள்ளனர்.
தஞ்சாவூர், நாகப்பட்டினம், மயிலாடுதுறை, திருவாரூர், மதுரை, புதுக்கோட்டை, கரூர், சேலம், திருப்பூர், காஞ்சிபுரம், செங்கல்பட்டு, தேனி, ராமநாதபுரம், திருச்சி, அரியலூர், வேலூர் ஆகிய மாவட்டங்களில் உள்ள விவசாயிகள் தங்களது பயிர்களுக்கு நவம்பர் 15-ஆம் தேதிக்குள் காப்பீடு செய்ய வேண்டும் என அதிகாரப்பூர்வ அறிவிப்பு வெளியிடப்பட்டுள்ளது. , ராணிப்பேட்டை, திருப்பத்தூர், திருவண்ணாமலை, தருமபுரி, விழுப்புரம், கள்ளக்குறிச்சி, பெரம்பலூர், சிவகங்கை, கடலூர், திருவள்ளூர் மற்றும் ஈரோடு.
கன்னியாகுமரி, திண்டுக்கல், விருதுநகர், நாமக்கல், திருநெல்வேலி, தென்காசி ஆகிய 6 தென் மாவட்டங்களில் நெல் நடவு தாமதமானதால் விவசாயிகள் தங்களது பயிர்களுக்கு டிசம்பர் 15ஆம் தேதிக்குள் காப்பீடு செய்ய வேண்டும்.
பயிர்க்கடன் பெற்ற விவசாயிகள் தங்களது பயிர்களுக்கு காப்பீடு செய்ய தொடக்க வேளாண்மை கூட்டுறவு கடன் சங்கம் அல்லது தேசியமயமாக்கப்பட்ட வங்கிகளை அணுகலாம். பயிர்க்கடன் பெறாத விவசாயிகள், இ-சேவை மையங்கள் மூலமாகவும், https://pmfby.gov.in என்ற இணையதளம் மூலமாகவும் பயிர்க் காப்பீடு செய்யலாம்.