தமிழகத்தில் நவம்பர் 14ஆம் தேதி பொறியியல் கல்லூரிகள் முதல் ஆண்டு மாணவர்களுக்காக திறக்கப்படுகிறது
புதிய மாணவர்களுக்கான வகுப்புகளை நவம்பர் 14-ஆம் தேதி திறக்க வேண்டும் என்று அண்ணா பல்கலைக்கழகம் தன்னுடைய இணைப்புப் பொறியியல் கல்லூரிகளுக்கு வியாழக்கிழமை உத்தரவிட்டுள்ளது.
தமிழ்நாடு இன்ஜினியரிங் மாணவர் சேர்க்கைக்கான கவுன்சிலிங்கில் முதல் நான்கு சுற்றுகளில் 80 ஆயிரத்துக்கும் மேற்பட்ட மாணவ, மாணவியர் சீட் ஒதுக்கீடு பெற்றனர். வியாழக்கிழமை ஒதுக்கீடு பெற்ற 36,000க்கும் மேற்பட்ட மாணவர்கள் தங்கள் கல்லூரிகளில் சேர ஒரு வார கால அவகாசம் உள்ளது.
“முதல் செமஸ்டர் மாணவர்களுக்கான இண்டக்ஷன் திட்டம் நவம்பர் 14-ம் தேதி தொடங்கும், வகுப்புகள் நவம்பர் 28-ம் தேதி தொடங்கும். செமஸ்டருக்கான கடைசி வேலை நாள் மார்ச் 23 ஆகும்” என்று பல்கலைக்கழகம் கல்லூரிகளுக்கு அனுப்பிய சுற்றறிக்கையில் தெரிவிக்கப்பட்டுள்ளது.
” முதலாமாண்டு மாணவர்களுக்கான முதல் செமஸ்டர் தேர்வு ஏப்ரல் 5 ஆம் தேதி தொடங்கும். அடுத்த செமஸ்டருக்கு மே 15 ஆம் தேதி கல்லூரிகள் மீண்டும் திறக்கப்படும்”.
தன்னாட்சிக் கல்லூரிகள் இந்த ஆண்டு இணைப்புக் கல்லூரிகளுக்கு ஒரு வாரம் அல்லது 10 நாட்களுக்கு முன்னதாகவே திறக்கப்படுகின்றன.
மருத்துவக் கல்லூரிகளில் முதலாம் ஆண்டு எம்பிபிஎஸ் மாணவர்களுக்கு நவம்பர் 15ஆம் தேதி வகுப்புகள் தொடங்கும்.